Skip to main content

Cassia Fistula Meaning in Malayalam

Cassia Fistula Meaning in Malayalam - കണിക്കൊന്ന (Kanikonna)

കേരളത്തിന്റെ ഔദ്യോഗിക പുഷ്പമാണ്‌ കണിക്കൊന്ന. വിഷുദിനത്തില്‍ കണികാണാനായി ഈ പൂവ്‌ ഉപയോഗിക്കുന്നതിനാലാണ്‌ കണിക്കൊന്ന എന്ന്‌ പേര് ലഭിച്ചത്‌. വൃക്ഷങ്ങളുടെ രാജാവ്‌ എന്ന അര്‍ഥത്തില്‍ രാജവ്യക്ഷമെന്നും സംസ്കൃതത്തില്‍ പേരുണ്ട്‌. കേരളത്തിലെ മിക്ക ഭാഗങ്ങളിലും കണിക്കൊന്ന വളരുന്നു. ഇപ്പോള്‍ കാടുകളിലും കണിക്കൊന്ന വളരുന്നുണ്ട്‌. ഇന്ത്യ കൂടാതെ, ശ്രീലങ്ക, ബര്‍മ എന്നിവിടങ്ങളിലും ഈ മരമുണ്ട്‌. അലങ്കാര വൃക്ഷമായും നട്ടു വളര്‍ത്തുന്നുണ്ട്‌.


കണിക്കൊന്ന പൂക്കുന്നത്‌ വേനല്‍ക്കാലത്താണ്‌. മാര്‍ച്ച്‌-ഏപ്രില്‍ മാസമാണ്‌ പൂക്കാലം. ഇലപൊഴിക്കുന്ന മരമായതിനാല്‍ മിക്കവാറും ഇലകളില്ലാത്ത ശാഖകളിലായിരിക്കും പൂവുണ്ടാകുന്നത്‌. മിക്കപ്പോഴും മരം മുഴുവനും പൂത്തുനില്‍ക്കും. അതിമനോഹരമായ കാഴ്ചയാണിത്‌. കുലകളായാണ്‌ പൂവുണ്ടാകുന്നത്‌, പൂങ്കുലകള്‍ മിക്കവാറും താഴേക്കു തുങ്ങിക്കിടക്കുന്ന രീതിയിലാണ്‌. ഒരു കുലയില്‍ ധാരാളം മൊട്ടുകളും പൂക്കളും ഉണ്ടാകും. കണിക്കൊന്നപ്പൂക്കള്‍ക്ക്‌ അഞ്ച്‌ ഇതളുകളാണ്‌. ഇതളുകള്‍ക്ക്‌ ഒരേ വലിപ്പമല്ല. അതിനാല്‍ മൂന്നെണ്ണം അരിവാളുപോലെ മുകളിലേക്ക്‌ വളഞ്ഞിരിക്കുന്നു. മറ്റു ചിലതിന്‌ ഇവയുടെ പകുതി നീളമാണുള്ളത്‌. നേരിയ മണവുമുണ്ടാകും. പടര്‍ന്നു പന്തലിച്ച്‌ വളരുന്ന കണിക്കൊന്ന ഒരു ഇടത്തരം വൃക്ഷമാണ്‌. ഈ മരം മാര്‍ച്ച്‌-ഏപ്രില്‍ മാസങ്ങളിലാണ്‌ ഇല പൊഴിക്കുന്നത്‌. ഇതിന്റെ കായ മുരിങ്ങക്കായ്‌ പോലെ തൂങ്ങിക്കിടക്കുകയാണ്‌ പതിവ്‌. വിത്തുകള്‍ നല്ല നീര്‍വാര്‍ച്ചയുള്ള മണ്ണിലേ മുളയ്ക്കുകയുള്ളു. കാഷ്യാ ഫിസ്റ്റുല എന്നാണ്‌ കണിക്കൊന്നയുടെ ശാസ്ത്ര നാമം.

Popular posts from this blog

Biophytum Sensitivum Malayalam Name

Biophytum Sensitivum Malayalam Name - മുക്കുറ്റി കേരളത്തിൽ കണ്ടുവരുന്ന ഏറ്റവും ചെറിയ സസ്യങ്ങളിൽ ഒന്നാണ് മുക്കുറ്റി. ഇതൊരു ഔഷധസസ്യമാണ്. ആയുർവേദത്തിലെ ദശപുഷ്പങ്ങളിൽ ഒന്നാണിത്. കേരളത്തിലെ എല്ലാ പ്രദേശത്തും ഈ കൊച്ചുചെടി വളരുന്നുണ്ട്. കാട്ടിലും നാട്ടിലും ഒരുപോലെ വളരുന്ന മുക്കുറ്റിച്ചെടികൾ ഏവർക്കും സുപരിചിതമാണ്. നമ്മുടെ വീട്ടുമുറ്റത്തു വരെ ഇവ കാണപ്പെടുന്നുണ്ട്‌. ഓണക്കാലത്ത് പൂക്കളം നിറയ്ക്കാനും മറ്റും മുക്കുറ്റി ഉപയോഗിച്ചിരുന്നു. നിലത്തുനിന്നും ഒരിഞ്ച്‌ ഉയരത്തിലാണ്‌ മുക്കുറ്റി വളരുന്നത്‌. ഭൂമിയോടു ചേര്‍ന്നുതന്നെ വളരുകയാണെന്ന്‌ പറയാം. 8 മുതല്‍ 20 വരെ ഇലകളുണ്ടാവും. ഇലകള്‍ തീരെ ചെറുതാണ്. മഞ്ഞ നിറമുള്ളവയാണ് മുക്കുറ്റിപ്പൂക്കൾ. പൂക്കൾ മുകളിലേയ്ക്ക് ഉയർന്നാണ് വളരുന്നത്. ഇതിന്റെ തണ്ടിന് മൂന്നിഞ്ചോളം നീളമുണ്ടാവും. അഞ്ച് ഇതളുകളാണുള്ളത്‌. പ്രത്യേകിച്ച്‌ സുഗന്ധമൊന്നും മുക്കുറ്റിപ്പൂകള്‍ക്കില്ല. പുക്കള്‍ ചെറുതാണെങ്കിലും മനോഹരങ്ങളാണ്‌. മുക്കുറ്റിച്ചെടികള്‍ ഇപ്പോള്‍ കേരളത്തില്‍ കുറഞ്ഞുവരികയാണെന്ന്‌ പറയപ്പെടുന്നു. മുക്കുറ്റിക്ക്‌ തീണ്ടവാടിയെന്നും പേരുണ്ട്‌. ഔഷധമായും ഉപയോഗിക്കാറുണ്ട്. ശാസ്ത്രനാമം: ഫൈറ്റം സെ

Melastoma Malabathricum Malayalam Name

Melastoma Malabathricum Malayalam Name - അതിരാണി കേരളത്തില്‍ കണ്ടുവരുന്ന ഒരു കാട്ടുചെടിയാണ്‌ അതിരാണി. കേരളത്തിലെ മലമ്പ്രദേശങ്ങള്‍ ഒഴികെ മറ്റെല്ലായിടത്തും വളരുന്ന ഒരു ചെടിയാണിത്‌. കൂട്ടത്തോടെ വളരുന്ന ഇത്‌ ഒരു കുറ്റിച്ചെടിയാണ്‌. ശാഖോപശാഖകളായി വളരുന്ന അതിരാണി മഴക്കാലത്താണ്‌ സജീവമാകുന്നത്‌. വേനല്‍ക്കാലത്ത്‌ ഇവ വാടി പ്പോകാറുണ്ട്‌. ചതുരാകൃതിയിലാണ്‌ തണ്ടിന്റെ രൂപം. തണ്ടിന്‌ ബലം കുറവാണ്‌. തണ്ടില്‍ പരുപരുത്ത നാരുകളുണ്ടാവും. മിക്ക തണ്ടുകളിലും വയലറ്റ്‌ നിറത്തിലുള്ള ധാരാളം പൂക്കള്‍ വിടരും. സാമാന്യം വലിപ്പമുള്ള പൂക്കള്‍ കൂട്ടത്തോടെയാണ്‌ ഉണ്ടാകുന്നത്‌. പൂഞെട്ടിന്റെ അഗ്രഭാഗം ഒരു കപ്പുപോലെ കുഴിഞ്ഞാണിരിക്കുന്നത്‌. അഞ്ച്‌ ഇതളുകളാണ് ഉള്ളത്. ഇവയിൽ ആൺ പൂവും പെൺപൂവും കാണപ്പെടുന്നു. ഇവ വ്യത്യസ്തങ്ങളായ ചെടികളിലാണ് വളരുന്നത്. അതിരാണിച്ചെടി ആയുർവേദത്തിൽ ഔഷധത്തിനായി ഉപയോഗിക്കുന്നുണ്ട്. അജീർണത്തിനും നീർക്കെട്ടിനും മറ്റും ഇവ നല്ല മരുന്നാണ്. ശാസ്ത്രനാമം: മൊലാസ്റ്റോമ മലബാത്രിക്കും. 

Plumeria Rubra Malayalam Name

Plumeria Rubra Malayalam Name -  ഈഴച്ചെമ്പകം കേരളത്തിൽ അതിഥിയായി എത്തിയ ഒരു പൂമരമാണ് ഈഴച്ചെമ്പകം. ശ്രീലങ്കയില്‍നിന്നാണ്‌ ഇത്‌ കേരളത്തില്‍ എത്തിയത്‌. ശ്രീലങ്കയില്‍നിന്നും വന്നതിനാല്‍ ഈഴച്ചെമ്പകം എന്ന പേര്‌ ലഭിച്ചു. ബുദ്ധവൃക്ഷം എന്നും ഈ മരം അറിയപ്പെടുന്നുണ്ട്‌. വനത്തില്‍ ഉള്ളതിനേക്കാള്‍ ഏറെയായി നാട്ടിലാണ്‌ ഈ മരം കണ്ടുവരുന്നത്‌. ക്ഷേത്രങ്ങളിലാണ് ഇവ കൂടുതലായുള്ളത്‌. വളഞ്ഞുപുളഞ്ഞാണ്‌ തായ്ത്തടി കാണപ്പെടുന്നത്. ഇലപൊഴിക്കുന്ന ഒരു ചെറിയ വൃക്ഷമാണിത്‌. കറയുള്ള ഒരു മരമാണിത്‌. മെക്സിക്കോ, ഗ്വാട്ടിമാല എന്നീ രാജ്യങ്ങളാണ്‌ ഇവയുടെ ജന്മദേശം. പക്ഷേ, വളരെമുമ്പ്‌ തന്നെ ഇത്‌ കിഴക്കന്‍ രാജ്യങ്ങളില്‍ എത്തിയിരുന്നു. നൂറ്റാണ്ടുകള്‍ക്കു മുമ്പേ ഈഴച്ചെമ്പകം ഇന്ത്യയിൽ എത്തിയിരുന്നു. പ്ലൂമേറിയ അക്യൂട്ടിഫോളിയ എന്നാണ്‌ ഈഴച്ചെമ്പകത്തിന്റെ ശാസ്ത്രനാമം. സഞ്ചാരിയും സസൃശാസ്ത്രജ്ഞനുമായ ഫ്രഞ്ച് പുരോഹിതന്‍ ചാള്‍സ് പ്ലൂമേറിയ (1664-1706) യോടുള്ള ആദരസൂചകമായാണ്‌ ഈ സസ്യത്തിന്‌ ഇങ്ങനെ ശാസ്ത്രനാമം നല്‍കിയത്‌. കേരളത്തിലും ഈഴച്ചെമ്പകം ധാരാളമായുണ്ട്‌. വീടുകളിലും ഉദ്യാനങ്ങളിലും ഈഴച്ചെമ്പകം വളരുന്നു. ഇല പൊഴിക്കുന്ന ഈ വൃക്ഷത്തിന്‌ അഞ്ചു മ